Apr 22, 2004

Valverde, 1960ko irudikatzailea

Donostiako San Telmo Museoan amaitzear dago Antonio Valverde "Ayalde"
(1915-1970) artistaren erakusketa. Ez naiz ni nor pinturaz hitzegiteko baina
uste dut, benetan, euskaldun guztiok ezagutu beharko genukeen gizakumea dela
Valverde, pintorea izateaz gainera marrazkilari, grabatzaile, diseinugile,
publizista, idazle, poeta, bertsozale, enpresari, euskaldunberri eta,
besteak beste, tarteka-marteka jaiotzen diren intelektual errenazentista
horietakoa izan zen-eta.
Orain erraz samarra da euskaltzale, kritikari edo aztertzaile agertzea
baina ez, ostera, orain dela 50 urte. Kulturgintza basamortu hutsa zen garai
ilunetan, Antonio Valverde "La Academia Errante" intelektual-taldearen
suspertzaileetakoa izan zen, Juan Ignacio Uria, Koldo Mitxelena, Alvaro del
Valle Lersundi, Ignazio Zumalde, Jose M. Busca Isusi eta beste hainbatekin
batera, eta harreman estuak izan zituen Barandiaran, Artetxe, Pelay Orozko,
Oteiza, Chillida eta gainerakoekin.
Segurutik bada haren lan-esparru zabalean zer nabarmendu baina, nik
neuk,
neure ikuspegitik, 1960 hamarkadako giroa irudikatzeko izan zuen gaitasuna
azpimarratu nahi nuke. Garai hartan euskal letretara estreinako inguratu
ginen gazteok Valverderen "santuekin" topo egiteko zoria izan genuen,
Lizardiren "Biotz begietan", Orixeren "Euskaldunak", Juan San Martinen
"Escritores euskricos" eta beste hainbat argitalpen (egutegiak,
gabon-zorionak eta estropada-kartelak) kasu.
Ildo beretik, berak marraztu zituen zenbait etnografi-pasarte ezagun
(Akelarre, Olentzero), berak pintatu zituen garaiko lekukoak (Manuel
Lekuona, Koldo Mitxelena, Uztapide...) eta berak irudikatu zituen orain
betidanikotzat joten ditugun pertsonaia historikoen erretratuak (Domenjon de
Andia, Aita Larramendi, Lope de Agirre, Xenpelar...).
Antonio Valverde izan zen, batere zalantzarik gabe, 1960 hamarkadako
kulturaren pintore eta erretratugile. Gaur egun ez dago haren parekorik.
Orain ETBren kamarak ditugu. Orduan Valverderen eskua eta konpromisoa.
Amatio


Posted by Amatiño at 04:11

SER Euskadi

SER-Euskadi irratiaren arduradun batek gaur esan didanez...
-- SER berriro omen da EAEn audientzarik gehien duen irratia.
-- Ordutegi guztietan omen da lehena.
-- Prestige, Irak eta Madrilgo erasoa izan omen dira arrazoietakoak.
-- Entzule-konzentrazioa gero eta handiagoa omen da. Hau da, SERek eta Eusko
Irratiak biltzen omen dute elkarren artean audientziaren 3/4.
-- Proportzioz Gipuzkoan du SERek audientziarik gutxien.


Posted by Amatiño at 04:11

Eguraldi birtuala

Gaur, kafia hartzen neguala mostradore-ertzian, agure ezagun bat hurreratu
jata:
-- Kaixo Amatio, ze moduz habil?
-- Hamentxe, egualdi ederraz...
-- Bai, horixe esan jok telebisiuak.


Posted by Amatiño at 04:11

Apr 23, 2004

Juan Ignacio Prez

Orain hurrengo norbaitek galdetu zuen hemen Juan Ignacio Prez nor ote zen.
Ba, gaurko datuen arabera, salamankar euskaldunberri hau izan da boto
ponderaturik gehien lortu duena EHUko hauteskundeetan. Bigarrena, berriz,
Iaki Antigedad, ikaslegoaren boto askoz ere gehiagoz.
Hurrengo botazioan bien artean erabaki beharko da eta gainerako bost
hautagaien alde azaldu direnek Prezen eta Antigedaden artean aukeratu eman
beharko dute. Beraz, normala litzateke lehenak erraz irabaztea.
Dena dela, ez da gero albiste txarra finalista geratu diren biak zazpi
hautagaien artean euskaldun bakarrak izatea.


Posted by Amatiño at 08:31

Apr 26, 2004

Hasteko ikurria kendu

Martxoko hauteskundeen ostean egoera zeharo aldatu da eta PPren agintepeko
abia zoroan galdutako arau demokratikoak euren onera bihurtzen ari dira.
Zenbait sinesgogorrek esango du ez dela, orain arte behintzat, edozein
demokraziatan oinarri-oinarrizkoa baino ez dena berreskuratu baina, hala
ere, onartzekoa ere bada aurrera egiteko behar-beharrezko dela aldez
aurretik nolabaiteko normaltasunen batetik hastea. Detxeparek esan zuen
orain bostehun urte: "Ogirik ez dakusat biltzen, hazirik erein gaberik".
Udaberri politikoa heldu omen da, betozko ilunak arindu, liliak loratu,
irribarrea biztu eta mundu guztia ari da zein baino zein gozoago, leunago,
atseginago, otzanago, baketsuago eta sosegatuago. Horra non, politikagintzan
ere guztiz garrantzitsuak diren erak eta moldeak, formak eta kortesiak.
Sekulako aurkikundea gero
Benito Lertxundiri jaramonik egingo badiogu, ostera, formak ez dira nahiko.
Ahaztu egin zaigun arren, orain dela hiru urte nolabaiteko barealdiren batek
jo zuen Aznarren burua eta presidente espainiarrak Ibarretxe lehendakaria
gonbidatu zuen Madrila. Hainbeste kostatako bisita onuragarri egiteko,
aurreko egunetan mortalak eta bi egin zituzten Moncloako
protokolo-arduradunek Aznar eta Ibarretxeren arteko bilera arrakastatsu
gertatu zedin. Lehendakaria gozatu beharraren beharrez, ajenda, ordutegi,
logistika, gai-zerrenda eta gainerako ipi-apak aldez aurretik hitzartu
ziren, Ibarretxek bere burua "etxeko" sentitu zezan Moncloan.
Baina horra non Lehendakariaren autoa ikurrin eta guzti agertzen den
Moncloako Jauregiaren sarreran eta arduradunek esaten dioten ezetz, arren
eta mesedez: Ez dagoela ikurrinaz sartzerik... bandera eramatea
estatu-presidenteei bakarrik dagokiela... erak, moldeak, formak eta
kortesiak garrantzitsuak direla... horrela ez dagoela elkar ulertzerik...
horrela ez dagoela bilera onuragarri egiterik... Bai, bai... bisita bai,
baina, giroa errazteko, elkarrizketa leuntzeko, bakeak egiteko... aurretik
ikurrina kendu
Amatio
----------
Yahoo! Groups Links
* To visit your group on the web, go to:
*
http://groups.yahoo.com/group/eibartarrak/
*
* To unsubscribe from this group, send an email to:
*
[email protected]
*
* Your use of Yahoo! Groups is subject to the
Yahoo! Terms of Service.


Posted by Amatiño at 06:20

Apr 28, 2004

Xake-jokoa, kirola?

Xakea dela eta sortu den eztabaidari buruz, nik uste zehaztasun batzuk
beharrezko direla.
Nonbait, kirol-federazioak arautu nahirik, Jaurlaritzak dekreto-zirriborroa
bidali die euskal federazio guztiei (ez xake-federazioari bakarrik), nork
bere ezarpenak egin ditzan. Zirriborro horretan kirolaren definizioren bat
aurreratzen omen da, giza-esfortzu fisikoaren inguruan oinarritua.
Xake-federazioak sumatu du nonbait ez dela xakea definizio horretan sartzen
eta sekulakoa sortu da.
Nik dakidanez, zirriborro hori oinarrizko zirriborroa baino ez da eta
xake-federazioak aski izango luke Jaurlaritzari erantzutea xakea kirol
olinpikotzat onartua dagoela nazioartean, salbuespen kulturala aldarrikatu
eta kitto. Baina nahiago izan du bere burua asaldatu eta printzipiozko
eztabaidetan sartu.
Nik badakit xakea kiroltzat hartu izan dugula beti eta seguru gero horrela
jarraituko duela aurrerantzean ere. BAITA GURE ARTEAN ERE. EZ DAUKAT
PRAKTIKAN BATERE ZALANTZARIK. Hala ere, printzipiozko polemikatan sartuz
gero, gutxienik eztabaidagarri litzateke xakea kirola ala jokoa den.
Jaurlaritzak proposatu duen definizioaren arabera ahari-topeka ez litzateke
kirola izango(ez du gizakiak parte hartzen), nahiz eta gure artean betidanik
herri-kirola izan. Hala ere, oilar-jokoa ez da kirola, jokoa baizik.
Tradizio kontua.
Ez dakit Jaurlaritzaren definizio horren arabera hipika kirola izango ote
litzatekeen (esfortzua zaldiarena da, ez zaldunarena). Baina, baiezkotan
(eta nazioartean horrela da), zergatik idi-demak ez du kirola izan behar?
Nik ez dut esango xakea kirola ez denik (nazioarteko praktikan seguru,
baina printzipiotan ari naiz), baina zergatik xakea kirola da eta musean
egitea, aldiz, jokoa? Are gehiago, zergatik ez dugu bertsolaritza kiroltzat
hartu behar? Zergatik da xakea bertsolaritza baino kirolagoa?
Azkenik, oso oker ez banago badira munduan Estatu eta gizarte oso
zibilizatuak (Erresuma Batua, esate baterako) xake-jokoaren antolamendua ez
dutena kirol-federaziotan egituratzen, bestelako elkartetan baizik. Inork
ez du zalantzan jartzen xake-jokoa antolatu behar ez denik. Kontua zera da,
kirol-federazioen baitan ala joko-elkarteen artean?
Sistema batean edo bestean aritu, xake-jokalariek berdin jokatuko dute
baina, behar bada, ez diru-laguntza berberak lortu. Beraz, eta eztabaida
horren "printzipiozkoa" ez balitz?
Amatio
----------
Yahoo! Groups Links
* To visit your group on the web, go to:
*
http://groups.yahoo.com/group/eibartarrak/
*
* To unsubscribe from this group, send an email to:
*
[email protected]
*
* Your use of Yahoo! Groups is subject to the
Yahoo! Terms of Service.


Posted by Amatiño at 03:50
Coreblog-ekin egina