May 18, 2004

Fernando Pessoa Sustatun



Troll bat sartu da Sustatura, Iban Zaldua eta
Xabier Mendigurenen artean adostu/idatzitako liburu promozio baten harira,
jendea molestatzera. Fernando Pessoa ezizena erabili du. Nik erantzun egin
nion.

Ba idatzi zuk gustuko dituzun liburuen berri, eta "Zeuk idatzi" aukeran
klikatu.

Interneteko txakurrarena badakizu, ezta? fernando pessoa ezizenarekin
sinatzen zuen txakur bat bazegoen, eta bere lagun txakur bati esan zion
behin etxean:

- Interneten inork ez daki txakurra naizela eta Pintto dela nire benetako
izena.

Eta beste txakurrak erantzun zion:

- Baina denek dakite tontoa zarela.

***************************

Interneteko txakurrarena ez da nik asmatua, noski. The New
Yorker aldizkarian azaldu zen Interneteko prehistorian, 1993an. Mezu
honekin pegatu dut irudia.

Pessoa delakoak bere kexuetan esaten den guztia kaka besterik ez da:
totxoak idazten direla,
Interneteko copypastearen kalitatea, anonimotasunaren inguruko
filosofaldiak, errespetuaren arauena. Dena gezurra, dena kaka. Zera da
asunto honen egia, benetako koxka: troll bat da hori. Troll bat da
Interneteko foro edo halakoren batean "joditzeko" helburuarekin sartzen
den bat. Batzuetan, sartzeko unean forma konstruktiboak erakusten ditu,
baina bere asmoa suntsitzea da. Kasu honean troll-aren helburua da:

- Sustatu bera eta han jendeak egiten dituen aportazioak zapuztea

- edo, beharbada, Elkarren liburu promozioa eragoztea Sustatun

Baina helbururako jomuga taktikoa ez da Sustatu. Jomuga dira Iban Zaldua
edo Xabier Mendiguren. Taktika da lagun horiek akojonatzea, horiek
beldurtzea ez
daitezen ausartu erreseina edo totxo gehiago bidaltzen. Hau ere oso
teknologikoa da, oso Internetekoa: FUD taktika esaten zaio. FUD = Fear,
Uncertainty, and Doubt.

Fear: Zaldua edo Mendiguren kikildu.

Uncertainty: argudio guztiak (totxoak, copypastearen
kalitatea eta filosofia...) despisterako gezurrak besterik ez dira.

Doubt: anonimoarekin berriketan, nor ote? ezagutzen ote dut?

Errespetuarena, jakina, pertsonei aplikatzen ahal zaie. Fernando Pessoa ez
da pertsona bat, ex-pertsona bat da, Monty Pythonen loroa baino hilago
dago. Pintto txakurra da. Eta troll bat troll bat da.


Posted by Amatiño at 08:32

May 06, 2004

Sacamantecasa

Gaur aurkeztu da Donostian "Romasanta" filmea. Otso-gizonaren inguruan
Galizian omen diren kondairei buruzkoa da, "sacamantecas" beldurgarria
tarteko.
Nik uste nuen "sacamantecasa" gure inguru honetakoa zela. Txikitan,
behintzat, horren beldurretan ibili izaten ginen. Gasteizen, berriz, orain
dela ehun urte inguru bizi izan zen baserritarra omen, merkatura bidean
zihoazen emakumeak jo-ta kanalean zabaltzen zituena.


Posted by Amatiño at 08:20

May 05, 2004

Popularrak pedigri bila

Carlos Iturgaitz gutxi iritzita edo, euskal Alderdi Popularra lider bila
ari da eta Ignacia Loyola de Palacioren izena proposatu dute Madrilen. Ideia
Madrilgo zuzendaritzak egin izana ez zaie euskal alderdikideei lar gustatu.
Zenbaiten ustez, horrelako erabakiak Euskadin hartu beharko lirateke, euskal
Alderdi Popularraren autonomiarik ezak ezer gutxi laguntzen duelakoan
hauteskundeetan. Horra euskal popularrak autonomia aldarrikatzen.
Autonomia ezezik, euskal jatorria ere aldarrikatzen hasiak dira popularrak
euren liderrak aukeratzerakoan. Izan ere, Loyola de Palacioren prestakuntzaz
gainera, bere euskal jatorria ere baloratu dute: "La condicin de que el
nuevo lder sea un vasco de nacimiento, De Palacio lo es slo por
ascendencia, es un factor al que se da asimismo enorme importancia en las
filas populares" (La Razn, 2004.04.27).
Euskal Herrian jaioa ez izan arren, Loyola de Palacioren euskal pedigria
kontuan hartzeko modukoa omen da: "Los electores valorarn muy positivamente
que una gran mujer, buena profesional, que es vicepresidenta del Gobierno
Europeo, vasca-vasca... (ABC, 2004.04.28). Auskalo alderdi abertzaleren
batek horrelakoak esango balitu ez ote luketen xenofobotzat joko baina,
antza, Loyola de Palaciok hori eta gehiago merezi du.
Dena den, zer ez ote duten Madrilgo egunkariek esango Loyola de Palaciok,
euskaraz ezkutuan baino hitzegin ez arren, euskalduna dela jakiten duten
egunean. Isilpeko euskalduntasun hori Loyolak berak aitortu zion orain
bospasei urte EAJren diputatu bati.
Ustebako aitorpen hori egin zionean diputatu jeltzalea euskaraz hasi
zitzaion Loyola de Palaciori eta honek erantzun: "No, yo no hablo euskera
batua, sino vizcano". Eta, bat-batean, diputatuak bizkaieraz erantzun
zionean, gure emakume bizkorrak argitu zion: "No, yo hablo la variedad
dialectal de Markina".
Beraz, inork ez du Loyolak markineraz dakienaren frogarik, baina guztiz
frogatua dago gure emakume bizkorrak euskara batua, bizkaiera osotua eta
markinera bereizten dituena.
Amatio


Posted by Amatiño at 13:20

Xakea ez da beti kirola

Hona euren Kirol Batzorde Olinpikoetan xakea kiroltzat onartzen ez duten 29
Estaturen zerrenda. Honek ez du esan nahi gehiago ez dagoenik. Estatu-izenak
ingelesez daude:
Amerika:
Antigua and Barbuda, Canada, Panama, Puerto Rico, Saint Vicent and the
Granadines, United States of America, Uruguay, Virgin Islands.
Europa:
Belarus, Belgium, Czech Republic, Denmark, Finland, France, Great Britain,
Greece, Ireland, Italy.
Asia:
Korea.
Afrika:
Angola, Cameroon, Swaziland.
Ozeania:
Cook Islands, Federated States of Micronesia, Guam, Palau, Papua New Guinea,
Samoa, Solom Islands.
------------------------------
Hona, aldiz, euren Kirol Batzorde Olinpikoetan xakea kirolatzat onartua
duten 23 Estaturen zerrenda:
Amerika:
Barbados, Brasil, Colombia, Mexico, Netherland Antilles, Trinidad and
Tobago.
Europa:
Armenia, Azerbaijan, Former Yugoslav Republic of Macedonia, Malta, Portugal,
Spain.
Asia:
Hong-Kong, India, Lebanon, Malaysia, Peoples Republic of China,
Philippines, Qatar, Saudi Arabia, Singapore, Viet Nam.
Afrika:
Ez dago batere.
Ozeania:
Fiji
----------------------------
Konprobatu ezinik, oraingoz behintzat, zein irizpide duten indarrean beste
149 Estatutan.


Posted by Amatiño at 13:20

Solac eta plantxak

Oso oker ez banago gaur erabaki da Eibarko Solac behin betirako ixtea: 37
langileetatik, 16 Gasteizera eta 23 etxera.
Garai batean nik uste nuen munduan egiten ziren eskuko plantxa guztiak
Solac-en egiten zirela. Ezta besterik zegoenik ere Eta, gezurra dirudien
arren, ni plantxa artean bizi izan nintzen 35 urte kunplitu arte...
Nere errekorda, makinako plantxaz, 32 fraka orduko izan zen.


Posted by Amatiño at 13:20

Apr 28, 2004

Xake-jokoa, kirola?

Xakea dela eta sortu den eztabaidari buruz, nik uste zehaztasun batzuk
beharrezko direla.
Nonbait, kirol-federazioak arautu nahirik, Jaurlaritzak dekreto-zirriborroa
bidali die euskal federazio guztiei (ez xake-federazioari bakarrik), nork
bere ezarpenak egin ditzan. Zirriborro horretan kirolaren definizioren bat
aurreratzen omen da, giza-esfortzu fisikoaren inguruan oinarritua.
Xake-federazioak sumatu du nonbait ez dela xakea definizio horretan sartzen
eta sekulakoa sortu da.
Nik dakidanez, zirriborro hori oinarrizko zirriborroa baino ez da eta
xake-federazioak aski izango luke Jaurlaritzari erantzutea xakea kirol
olinpikotzat onartua dagoela nazioartean, salbuespen kulturala aldarrikatu
eta kitto. Baina nahiago izan du bere burua asaldatu eta printzipiozko
eztabaidetan sartu.
Nik badakit xakea kiroltzat hartu izan dugula beti eta seguru gero horrela
jarraituko duela aurrerantzean ere. BAITA GURE ARTEAN ERE. EZ DAUKAT
PRAKTIKAN BATERE ZALANTZARIK. Hala ere, printzipiozko polemikatan sartuz
gero, gutxienik eztabaidagarri litzateke xakea kirola ala jokoa den.
Jaurlaritzak proposatu duen definizioaren arabera ahari-topeka ez litzateke
kirola izango(ez du gizakiak parte hartzen), nahiz eta gure artean betidanik
herri-kirola izan. Hala ere, oilar-jokoa ez da kirola, jokoa baizik.
Tradizio kontua.
Ez dakit Jaurlaritzaren definizio horren arabera hipika kirola izango ote
litzatekeen (esfortzua zaldiarena da, ez zaldunarena). Baina, baiezkotan
(eta nazioartean horrela da), zergatik idi-demak ez du kirola izan behar?
Nik ez dut esango xakea kirola ez denik (nazioarteko praktikan seguru,
baina printzipiotan ari naiz), baina zergatik xakea kirola da eta musean
egitea, aldiz, jokoa? Are gehiago, zergatik ez dugu bertsolaritza kiroltzat
hartu behar? Zergatik da xakea bertsolaritza baino kirolagoa?
Azkenik, oso oker ez banago badira munduan Estatu eta gizarte oso
zibilizatuak (Erresuma Batua, esate baterako) xake-jokoaren antolamendua ez
dutena kirol-federaziotan egituratzen, bestelako elkartetan baizik. Inork
ez du zalantzan jartzen xake-jokoa antolatu behar ez denik. Kontua zera da,
kirol-federazioen baitan ala joko-elkarteen artean?
Sistema batean edo bestean aritu, xake-jokalariek berdin jokatuko dute
baina, behar bada, ez diru-laguntza berberak lortu. Beraz, eta eztabaida
horren "printzipiozkoa" ez balitz?
Amatio
----------
Yahoo! Groups Links
* To visit your group on the web, go to:
*
http://groups.yahoo.com/group/eibartarrak/
*
* To unsubscribe from this group, send an email to:
*
[email protected]
*
* Your use of Yahoo! Groups is subject to the
Yahoo! Terms of Service.


Posted by Amatiño at 03:50