Hasiera | Foroa | Wikia | Posta-zerrenda | Azpitituluak jaisteko

Foroa

Lost 6x03 What Kate Does (2010)

baltuna ¦ 2010-02-13 ¦ 11:31

Lost telesailaren azken denboraldiko 3. atalaren azpitituluak.

Azpitituluak 350Mb-eko artxiboarekin sinkronizatzeko prest daude. Momentu batzutan segundu erdi-ko desfasea dute baina ez zait garrantzitsua iruditzen, nahiz eta denbora badut zuzenduko ditudan.

Edozein akats ikusiz gero edo ingeleratik hobeto itzuli nahi izanez gero(nik gazteleratik egiten dut gehiena), lasai egin eta berriro igo, hori bai ze aldatu duzuen esatea eskertuko nuke. www.subtitulos.es webgunetik hartu dut gaztelerako bertsioa.

Azpititulu osoak: Lost - 6x03 - What Kate Does.eus.srt 36KB (37406 byte)

Permalink | erantzun edo komentatu

Lost 6x01 6x02 LA X (2010)

baltuna ¦ 2010-02-06 ¦ 15:09

Lost telesaileko azken denboraldiko lehen bi atalak.

Azpitituluak 700Mb-ko bideo artxiboarekin sinkronizatuak daude. Ez du bereizten lehen eta bigarren atalaren artean, dena jarraian dago.

Azpititulu osoak: Lost 6x01 - 6x02 - LA X.eus.srt 67KB (68875 byte)

Permalink | erantzun edo komentatu (2 erantzun)

Ten canoes (2006)

lima ¦ 2010-01-26 ¦ 14:23

Ten Canoes (2006) Australiako film bat da. Ikuspegi berritzaile batekin aborigenen mundua erakusten du: natura, kultura, bizimodua, tradizioak, gizatasuna eta hizkuntzak. Ahozko tradizioaz baliatzen da istorioa ehuntzeko. Australiako aborigenen hizkuntza batean eginiko lehen film luzea ei da. Nazioartean zabaldutako bertsioan narratzaileak ingelesez egiten du, eta pertsonaiek Yolŋu Matha hizkuntzak erabiltzen dituzte, baina badu bertsio bertsio bat osorik Yolŋu Matha hizkuntzetan.
Azpititulu hauek Ten.Canoes.DVDRip.XviD-NODLABS.avi bertsioarekin sinkronizatuta daude. Hori eskuratzeko, esate baterako, torrent hau erabil daiteke.

Azpititulu osoak: Ten.Canoes.2006.eu.srt 56KB (58260 byte)

Permalink | erantzun edo komentatu (2 erantzun)

To shoot an elephant (2009)

Luistxo ¦ 2010-01-13 ¦ 15:20

To Shoot An Elephant ingelesezko dokumentala da, baina euskal ekoiztetxe batek egina (Eguzki Bideoak). Dokumentala, eta haren testuak CC-BY-NC-SA lizentziapekoak dira.

Ekoizleek beraiek jarri dute filma Avi formatuan jaisteko moduan Pirate Bay Torrenten lekuan. 1.2 megako fitxategi bat da han dagoen filma. Karpeta bat ere badator torrent horrekin, zeinean zenbait hizkuntzatan datozen azpitituluak, euskarazkoak ere bai. Baina beste nonbaitetik eskuratu baduzu bideoa, azpitituluak hemen ere badaude orain.

Azpititulu osoak: toshoot_eu.rar 27KB (28479 byte)

Permalink | erantzun edo komentatu

?Biak batean'

Oihana ¦ 2009-12-17 ¦ 17:41

Kaixo lagunok!

Lehenik eta behin zorionak eta eskerrak gune hau sortu eta kudeatzeagatik.
Zalantzatxo bat daukat: pelikula baten irudia (.avi formatuan) eta azpitituluak (.srt) eskuratu ditut, baina bi ataletan bakoitza (cd1 eta cd2 eta azpitituluak ere bitan)eta orain, nola egin dena bateratzeko eta pelikula haseratik amaieraraino etenik gabe gozatu ahal izateko?

Mila esker!,
Oihana

Permalink | erantzun edo komentatu (2 erantzun)

The Bourne Supremacy (2004)

Borja ¦ 2009-10-10 ¦ 18:44

Dagoeneko hemen dira Jason Bourne agentean oinarritutako bigarren filmaren azpitituluak. Bourne-k bere iragana atzean utzi zuela uste zuen baina bat-batean meatxuz beteriko mundu ilunean murgiltzen da berriz ere. Oraingo honetan mota guztietako etsaiei aurre egin beharko die eta bere nortasuna berreskuratzen saiatzen jarraituko du, baita atsekabetzen duten oroitzapenei buruz egia aurkitzen ere.

Zuzendaria: Paul Greengrass.
Urtea: 2004.
Aktoreak: Matt Damon, Franka Potente, Brian Cox, Julia Stiles, Joan Allen.
Iraupena: 108 min.
Generoa: Akzioa, Thriller, Intriga.
Gaztelaniazko titulua: El Mito de Bourne.

Azpititulu osoak: The Bourne Supremacy - Euskara.rar 20KB (20523 byte)

Permalink | erantzun edo komentatu (2 erantzun)

Nanjing! Nanjing! (2009)

Luistxo eta Eli ¦ 2009-10-02 ¦ 15:05

Film txinatarra. Nanjingeko sarraskia deskribatzen duena.

Donostiako 2009ko zinemaldiko sari nagusia Urrezko Maskorra, irabazi duen filma, Nanjing Nanjing izan da, nazioartean ingelesezko izenburuarekin zabaldua: City of Life and Death.

Euskarazko kronika bat hemen, trailer batekin.

Honako euskarazko bertsioa bi lagunen artean apailatu dugu. Bi CDtarako prest bi fitxategitan Torrent-etan dagoen bertsio honetarako dago egokitua:

 Nanking.Nanking.2009.DVDRip.XviD-PMCG

Azpititulu osoak: Nanking.Nanking.2009.DVDRip.XviD-PMCG.rar 15KB (16084 byte)

Permalink | erantzun edo komentatu

Gorrentzako azpitituluak

Amagoia ¦ 2009-09-04 ¦ 18:38

Arratsalde on guztioi.

Lehen aldia da foro honetan parte hartzen dudala eta, beraz, ez dakit gai hau arrotza izango zaizuen.

Gorrentzako azpititulazioaren inguruko ikerketa bat egin nahian nabil, baita informazioa bildu nahian ere. Honen harira informaziorik baduzue, mesedez, nirekin kontaktuan jarri. Eskertuko nizueke, benetan.

(Euskarazko azpitituluez ari naiz, noski.)

Nirekin kontaktuan jarri nahi duenarentzat, hona nire posta: [email protected]

Eskerrik asko aldez aurretik eta laster arte.

Permalink | erantzun edo komentatu

The Bourne Identity (2002)

Borja ¦ 2009-08-30 ¦ 18:08

Jason Bourne CIA-ko agente ohiari buruzko sagaren lehen filma dugu hau. Bere misioetako batean larri zauritzen da eta oroimena galtzen du. Hau da istorio honen abiapuntua. Hortik aurrera nortasuna berreskuratzeari ekingo dio, bidean gorriak ikusiko dituelarik, hainbat nahaste-borrasteetan sartuta egoteaz gain, besteak beste, hiltzaile profesionalak, mertzenarioak eta kide ohiak bera akabatzen saiatuko baitira.


Zuzendaria: Doug Liman.
Urtea: 2002.
Generoa: Akzioa, Thriller.
Aktoreak: Matt Damon, Franka Potente, Chris Cooper, Clive Owen.
Iraupena: 1:58.
Imdb: http://akas.imdb.com/title/tt0258463/

Azpititulu osoak: The_Bourne_Identity_-_Euskaraz.rar 24KB (25229 byte)

Permalink | erantzun edo komentatu (2 erantzun)

Der Untergang (2004) osatzeko

Luistxo ¦ 2009-08-16 ¦ 15:32

Hitlerren azken egunak Berlingo bere bunkerrean. Film aleman honetako parte txiki bat bakarrik itzuli dut, famatua bihurtu den Interneteko meme bati dagokiona. Inork osatu nahi balu, hemen du.

Der Untergang (2004)

Azpitituluak osatzeko: Der.Untergang_eu.rar 35KB (35986 byte)

Permalink | erantzun edo komentatu (erantzun bat)

Older articles »