Mila esker Imanol zure animoengatik! Beharrezkoak ditut.
Udaleku, kirol eta enparauen garaia da bereziki uztaila.
Urpekaritzan izen eman zuen Peruk, semeak. Euskarazko taldean eman zuen izena. Lehen egunean hiru talderekin topatu ginen; bakarra zen euskaraz.
1. Donostian gaztelaniazko ikastarotan haur asko dabil.
Norbaitek esan al die guraso horiei ze garrantzitsua den aisialdian euskarazko hautua egitea, batez ere etxeko giroan gaztelania denean nagusi? B eredura haurrak eramanda ez da nahikoa.
2. Urpekaritza eskolakoek (APSAS) azalpen orokorra gaztelaniaz bakarrik eman zuten eta argibide orrietan zeuden hiru esaldiak ere gaztelania hutsean zeuden.
Inork (ni bezala beste guraso euskaldunak bazeuden han) ez zuen ezer esan; beno, nik bai. Peruren begiraleari eta aurkezpena egin zuenari esan nien. Azken honek euskararik ez zekiela esan zidan; otoi, inguruko euskaldunek gustura lagunduko zutela esan nion. Tira.
2008/07/08 21:30:03.793 GMT+2
Etsita nago! eta bi
Nork: marije.2008/07/08 21:30:03.793 GMT+2
Etiketak: euskara | Permalink | Erantzunak (1) | Errenferentziak: (0)
Erantzunak
Kaixo berriz ere, Marije:
Udaleku eta ikastaroak aipatu ditunanez, poz txiki bat:
gure alaba zaharrenak Ondarretan Tintin Klubak antolatzen dituen igeriketa ikastaroan ari ditun jo eta ke. Ez antolatzaileek, ez monitoreek, galdetu ere ez zigutenan egin ikastaroa zein hizkuntzatan nahi genuen: euskara hutsean ari ditun.
Eutsi goiari!
Imanol.
Nork: Imanol.2008/07/09 10:50:21.625 GMT+2