Aukeran, nahiago ez

Hortxe dabil Zuzendariari txistuka! Bere berezko jarrera... Zuzendaritzak kurrikulum berrian oinarrituta hiru hizkuntzei garrantzi berdina ematea erabaki zuen. Orain arte euskara maila eskasagatik, selektibitatean nota orokorra asko jeisten zitzaien bertako ikasleei. Euskarari ere garrantzia ematea erabaki zuten eta heren bat eskaintzea.
Ba ez da aukerarik egongo!  Maria San Gil eta enparauak borroka sutsua egin dute, kanpaina mediatiko eta guzti eta nahiz zutena lortu dute. Zuzendaritzak proposamen berria albo batera uztea!
"Horretarako ikastola batera eramango dugu haurra eta alemana akademian ikasi dezala!" mehatxua izan da erabili denetako bat.
X edo A eredu hauek ze leku dute gure gizartean? Aparteko tratua baldin badute, zer nolako haurrak heziko dituzte bertan? Behin eta berriz euskararen kontra jardungo dutenak? Alemaniara bizitzera joango direnak?
Hezkuntza sailak badu hor zer egina zalantzarik gabe. Ikastetxe hauetan kanpotarrak egoteaz gain, bertako kulturari gorrotoa diotenak babesteko leku bihurtu dira.