2007/11/01 18:42:47.442 GMT+1

LILIk 4 urte

4 urte egin berri ditu Lilik orain bi aste. Aspaldian ari ginen gaueko fardela kentzeko garaia iritsi zela esanez eta urtebetetzearen biharamunean bukatu zitzaizkigunez, ordutik maindireak garbitzen dihardugu. Gero eta gutxiago halere! Buzti ez den egunik ere izan dugu, ze poza eta zoriona! Baina gure loa etenez betea da azken aldian.

Amona Klaudiarekin Getarian.

Agirre-Larramenditarrekin Erratzun.Iker eta Lorekin.
4kandela gutxi dira.8 jarriko ditugu!

Gelako Aitzol, Leire, Anglene, IƱaki eta Jonekin.

Nola handitu den Lili! Azken aste hauetan handiagoa nabaritu dut Lili. Potxolago ere badago (pisuaz ari naiz). Zeharo bizia da horratio! Aitari bien arteko sekretuak gordetzeko eskatzen hasi da. Etxekoaknola amorrarazi ere primeran daki. Esana betetzeko borondate gutxi adierazten azken aldian. Urtebetetze egunean txerto hirukoitz biriko (elgorria, hazizurriak, errubeola)jarri zioten eta astebetera hazizurria izan du,masaila zeharo handitua... ba ikastolara joan gabe gelditu behar izan du egun batean eta triste zegoen ezin zuelako joan. Ba hilabete lehenago ikastolan uzteko komeriak izaten nituen, izterrari eutsita askatu ezinik, negarrez utzi behar izaten nuen. Beraz orain atsegina da goizean ikastolara joatea niretzat ere.
Parisa joan nahi duela esaten du aukera duen guztietan. Atzo "Sorgina eta maisua" ipuineko Klaudia erratza hartu eta bidai azkarra egin genuen bertara.
Jangelako agiria ere ekarri zuen eta "notak" oso onak dira, sarri eta gehienetan egiten baitu bertan eskatutakoa.
3 urtekin hasi zen belarritakoentzat zuloak egin nahi zituela esaten. Udaberrian saiakera bat egin genuen baina urriaren 20an egin zizkioten Eibarko botika batean. Lehenengo zuloa egiteak eman zion mina hain izan zen haundia, bigarrena egiteko lau lagunen artean eutsi behar izan zutela!

Asteburu berdinean Fernandez Ostolazatarren betiko seaska zakarretara eraman zuten. Luisen anaia zaharra Agustin jaio zenean erositakoa da. 1950ean oker ez banago. Peru eta Lili txikiak zirenean Eibarren aititaren etxean bertan lo egin izan dute.

Nork: marije.2007/11/01 18:42:47.442 GMT+1
Etiketak: lili | Permalink | Erantzunak (0) | Errenferentziak: (0)

Idatzi artikulu bat





Please answer this question to add your comment
Zenbat dira hiru gehi bost? (idatzi zenbakia)