Euria ari du

Aurten, Gipuzkoako Foru Aldundiak Errenta aitorpenaren garaia probestuko du euskaldunoi galdera bat egiteko:

Aldundiarekin harremanak euskaraz izan nahi al dituzu?

Aitorpen modalitatearen arabera bereizi daiteke eman behar dituzun urratsak:
internetez, paperean, autolikidazio proposamena onartuta edo aitorpen mekanizatuaren kasuan egin beharrekoa zehaztu dute Ogasuneko Euskara batzordekideek.

Hona hemen eman behar dituzun urratsak.

Interneteko aitorpena:

• Interneteko nabigatzailearen hizkuntza konfigurazioan, euskara aukeratu;
• Aldundiaren webetik Zergabidea laguntza programa jaitsi eta aitorpen berria sortu;
• "Aitortzailaren datuak" atalean, euskara aukeratu komunikazio hizkuntza moduan;
• "Datu pertsonalak" atalean: a) Euskara aukeratu Ogasunarekiko harremanetan hobetsitako hizkuntza; b) Identitate eta harreman datu jakin batzuk beste foru departamentuei uztea baimendu.

Paperezko inprimakia:

Inprimakiaren lehen orrian:

• Euskara aukeratu Ogasunarekiko harremanetan hobetsitako hizkuntza;
• Identitate eta harreman datu jakin batzuk beste foru departamentuei uztea baimendu.

Autolikidazio proposamena:

• Proposamena onartzean: a) 902 100 040 telefonora deituz gero, 1 zenbakia sakatu, Errentakoekin euskaraz egiteko; b) Internetez eginez gero, 3. pausoan harremanak euskaraz izan nahi dituzula aukeratu.
• 030 eredua bulego tributario batean aurkeztu edo korreoz bidali, identitate eta harreman datu jakin batzuk beste foru departamentuei uzteko.

Aitorpen mekanizatua:

• Euskaraz zuzendu errenta bulegoko errenta teknikariari;
• Teknikariari aitorpenaren likidazioa euskaraz egiteko asmoa adierazi;
• Teknikariak galdetzean , Ogasunarekin harremanetan hobetsitako hizkuntza euskara aukeratzen duzula erantzun;
• Identitate eta harreman datu jakin batzuk beste foru departamentuei uztea baimentzeko, 030 eredua aurkeztu: a) Aitorpena bulego tributario batean egiten baduzu, erregistroan aurkeztu eredua; b) Aitorpena errenta bulego batean egiten baduzu, harrrako langileak hartuko dizu eredua.